2015.03.19 多雲 唔算陰天 有太陽
其實不知不覺都已經好耐無update我blog咗 都唔知自己仲算唔算blogger
無時間？簡直係自欺欺人
依家係2015年既3月 我差不多都到咗我人生四分一 如果我有100歲咁長命 其實我有好多嘢要share 但係一個post一個 post慢慢share 就好似 我未同大家share我畢業典禮 我未share我一個人去長灘島旅行既心聲分享
又好似未講我工作如何 例如我已經無係Bank做咗
今日3月19號，我依家係我老豆沙場幫頭幫尾 其實簡單嚟講 我上來坐響喥supervise下同開單 所以比較得閒 有D空餘時間寫blog
話說舊年我好好彩有個機會俾我入到銀行做工都算唔錯 高人工 職位唔算低 好多Training同Meeting 所以時不時飛來飛去 都幾惹人羨慕
但係風光既背後 大家有知我幾壓力同心酸
壓力大？每個月都有Target 如果做唔到又要俾人吊！保險業 其實邊有咁易做 偏偏我又俾公司派入呢個部門
再加上我得罪咗我KK直屬老細！咁我日子變得越來越艱苦 一無sales肯定被佢吊到飛去
但係我覺得我有少少俾佢針對咯 明明有人做得差過我 點解吊我 唔吊佢？因為人地著裙 人地係條女 我係仔 所以現實社會係咁設定既？
其實做到舊年10月時 我心好灰 當我知道條女做得比我少可以俾Confirm 而我呢D就繼續試用期 三個月又三個月 人地朝偉哥係無間道做臥底都三年又三年 我就三個月又三個月 算係點啊 頂！
11月時 我仲灰 我Appraisal出咗有61份 雖然好似好高 我有唔知點計出來既 但係當然開心 覺得今次我應該可以俾confirm 點Q知 撲嚟個街 條KK粉腸話我知又三個月哇 我簡直無言 根本佢就有心想我走
拖拖下 又到2015年 差唔多我係PBB有整一年 我覺得自己時日無多 慢慢等電話
好彩我仲有幸去到KL出席Sales Convention 仲可以有幸見一見Tan Sri一面 咁就算我辭職都無憾
「For Together, We all are certainly The Best」
可能「We All」可以換去「You All」
但係我覺得我好幸運識到一班好同事 唔只係同事 我覺得可以係朋友 家族
真可惜我地已經唔再是同事
-어니스트-
2015.03.19
No comments:
Post a Comment